ÜYÜRSÜNME

ÜYÜRSÜNME

Tukum tintib tiyreden

Sanab seni küyövden

Kelin saylab bir övlen

Hayda derle bir üylen..1



Sagış eter honşu teng

Acaşgınçı cılıng keng

Kazagınga tüyrer ceng

Camalırsa cengilseng..2



Üylen desele üyürden

İynanmada çüyrelen

Tursang igidi süygen

En salınmay sürüvden..3



Kayda? ot tüşmey küygen

Caşlada, tobuk tüygen

Tutdurgallay sen cügen

Artda kalır cürügen..4



Açık kalıb terezeng

Toy tavuşga kelseng

Men a razı tebseseng

Nah tebserse, termilseng..5



Kız süyalmay tözmeseng

Cangan külnü közleseng

Cürek avrur körmeseng

Salam aytırsa tübeseng..6



Nekahdan da turmay keng

Akılınga boldung teng

Tavsulub tebrer tünkeng

Ongsunnukmut kölekgeng..7



Tuz kerek dese Biyçeng

Barmıdı Biting,Bürçeng

Kübürde bitse külçeng

Eling'den kısdar Köçgen..8



Tuvsa sürkelib cürügen

Sürüb tebrerse dügen

Soluv küsese öbgeng

Boşlab da koymaz cügen..9



Bilgenim sen tüyülmeng

Birtda cigit cürügen

Astaa.! bolsa bir körgen

Akız Savut cuvarken..10



Algın nebeg erkeyeng

Cuku bolgan cerdeyeng

Kündüz de töngereyeng

Küygen tüşle körmiyeng..11



Es kesegni bergenem

Ne baredi esgerseng

Endi Köl'ge sekirseng

Köbde bolmaz sermegen..12



Caşav nögering Biyçeng

Ana bolsa,sebeb sen

Ölgünçüne birça teng

Anga Cannet,sanga keng..? 13



Caşlıkdan kol cuvguyeng

Neva,Kızmı tuvguyeng

İynanmasang sorguyeng

Caratmasang koyguyeng..14



Havası, Baylık mayışınga

Kelmez tımsız aşınga

Hayırı bolguyet başına

Tururet olda caşına..15



Cılıng cetib kışına

Kırav tüşgent tışına

Turma diyem kaşına

Endi harne meşina..16

(Bülent TEZCAN)

TUKUM CUVUKLA

TUKUM CUVUKLA

Eşekarı,Urguy,Balçibin

Tintme cigin,ciligin

Kiçib kozusang birçigin

Tablab türter iyneçigin.

Boyav tamgası sarı

Eşekarı,Eşekden de arı

Buvmasın ansı kabarı

Tutar kaçsangda kalayarı.

Qaç'da tuvub balaları

Hınısın tögüb cayılat barı

Teregin tikgença ataları

Cüzümden esirib di hataları.

Balçibin kıynab kesçigin

Baldan tolsa çeleging

Bayram eteriget içeging

Balavuz çançmasa mizçigin.

Kiymegelley çepgenin

Kozgadıyeseng çetenin

İzley ketmegenese çiçegin

Bilalmazsa, çimdegenin..

Kımıja körgenin kozuy

Uyallık tüyüldü Urguy

Ansıma eltde aşarıgın kuy

Gina kabar İynarla okuy..

Ongsunmay çarlay,Çoçuy

Cukuga catsang soluy

Ceter sıbızgısın soga, uluy

Urtlab tebrer Kanıngı toguy..

Eşekarı,Urguy,Balçibin

Urgallay bilemise kiçüvün

Nasıbga,Kış cokdu alaga keçim

Saylaçı diyeseng illa birçigin

Karaçibin'di ençi süygençigim..

(Bülent TEZCAN)

ERKE

ERKE

Kesi kesingi köbürek erkelete

Akız etib koydung da erke.

Tabılgan igilikni kesinge kerte

Erke telige madar cokmut. kertide..



Çalımıng kesingi törge kötürte

Kim cetalsın,alay a uzalıb örkge

Harkimni callatıb, kenge köçürte

Turmaçı nasıbıngı Çınang bla türte..



Kılıgıng tüngülgent,Tıbırga taba küte

Köz tiygen bolurmu ke? Barçı tükürte

Neva Suvga basıb cuvda ,betingi köpürte

Küzgüge kara. Ol aytır. Erkeni körgüzte..

(Bülent TEZCAN)

İSLAM'NI ŞARTI

İSLAM'NI ŞARTI

İslamnı beşdi şartı

Bilirge kerek caşı kartı

Bolsa va Düniya'nı artı

Suvabdı Ahrat'nı tartarı.



Esinge kelmeymit ketarı

Azan tavuşga cetarı

Cerni buvgunçu cutarı

''NAMAZ'' eterge cortarı.



Açlıkga tözüb çıdarı

Cetginçin künnü batarı

Harneden kesin tıysa arı

''ORAZA'' dı candetge tıgarı.



Cogese carlını kabarı

Kırk'dan biring ble çabarı

Kelmese boçgangı çarları

''ZEKAT'' bla köbelir açgaları.



Barese barır madarı

Namazga burulgan carı

Qaba'nı tavafga barıb arı

''HACİ'' cumuşungu cabarı..



Tüz colga tartıb tamırı

İslam üçün kelse kaytırı

Koray tebrese de söznü ahırı

''KELİME-İ ŞAHADET''ti aytırı..



Caşavnu tolgunçu sabırı

Törde tursun. Dinni hatırı

Ahratda olese lampa carıtırı

İgikara kaysıyese de? carsıtırı..

(Bülent TEZCAN)

CANGI CIL

CANGI CIL

İgilik küseb katıştıra, karmay

Culkub saldık takvimni savlay

Qart'lıknı koyub colda cayavlay

Aşıgıb ketdi.Qolunda sallay.



Tazası keldi cım,cım cıltıray

Cengil cetet, Cangı çıray

Olda bitet tursang çırmay

Ongsunmayın közüng cılay.



Cılsayın Umutla baylay

Savluk bla Baylık davlay

Çabıb çançılsak da ayhay

Çınkıl bolat çaykay,çaykay.



Barat kelgen caşavdan urlay

Kazavat,davlaş tınç da turmay

Aç Börüle Ongsuz busgaklay

Har künü birça; Kan kurumay..



Endi aquçgun kelinlik saylay

Biylege, Biyçeleni baylay

Süygenle camalsın da kalmay

Toyga çabsın.halkıbız savlay..



Savluk camavluk bolmay

Cartı colda uvahdı tolmay

Aman avruv buçgagdan tutmay

Ozsun cılıbız toprak cutmay..



Bereket keltirirge unutmay

Piyango'dan eterigese bekbay

Ayagına Guluy keserem karamay

Bernesi macal bolsun.Barıbızga savlay..

(Bayrımkulladan Bülent TEZCAN)

QARA QIYILLIK

QARA QIYILLIK

Keslerin tıymayın artga

Erkişile ketib kazavatga

Canların ayamay bara otga

Stalin tartgandı çortga..

Saklamay tang'nı atarga

Üyünde koymay halknı catarga

Erkinlikde bermey callarga

Cazıklanı tıygandıla targa..

Tübemezça marhamatga

Açımay Katın,Kız,Sabiy,Kartga

Qöçgünçülüknü salıb şartga

Aşırgandıla kıyın tabigatga.

Ot tıgıb mülklerin cagarga

Tolturub mallaça barın Qatarga

Eltelle uzakga Çölge atarga

Acalda tebreyt kıyırdan bıtarga.

Kıstalıb OrtaAziya,Sibirya'ga

Tansıklab tarala Kafkasya'ga

Boluşuruk da cok bu uyatga

Ontört cıl tözgendile aziyatga..

Elli cetinçi cılda ızına kaytırga

El'ine bilalmay kalıb ne aytırga

Artıklıknı Allah dan kaytarırga

Kurutganla Dinin de taşaytırga..

Unamayık cılközüvün cabarga

Unutmayık Duva bla çabarga

Stalin'ni cahanim otda cagarga

Cıyıllıkbız Barıbız Ejüvün tartarga..

(Bayrımkul'ladan Bülent TEZCAN)

KARINDAŞIMA

KARINDAŞIMA

''TEZ'' CAN'lı Konak. Tübtüzünden

Carık Culduz'et, taydı üyübüzden

Cılamuk Çerek caşnattık.  Küy'übüzden

Kol cuvduk..! Emm.. Süyümlübüzden.. 1

Aşıgıb ketting. Cercüzünden

Caratgan çakırdı, saylab tüzünden

Karatoprak cabsa da  üsüngden

Unutulmaysa..! Nek.? Tüzlügüngden..2

Kıyalmay turgan közübüzden

Süygenek.Hak kerti kölübüzden.

İçibiz Çançdı.Açı cügübüzden

Üzülüb ketting.Taa..! Ciligibizden..3

Assı bolub tüşmey, Allah'nı közünden

Küydük amma, acaşmay tözümden

Sanaldıng..! Sen.  Harkimni özünden

Sav Düniya tilleni karmab sözlerinden

Tabalmayma..!İynan sıylısın sözümden..4

Suvab Bazmanına, tolmayın günah

Caş ölüm sınagan beg açı,palah

Endi okulmasın; Kısgarak selah

Kişige sınatmasın, SıylıAllah..5

Sıylı atıng baret ''BEYTULLAH''

Bet nürünge aytuvçanek Maaşallah

Cannetge salır Atıng üçün UlluAllah

Şafagat eterse bizgede İnşaallah.. 6

Köbü canazı tabılmayt.Tavdan,Tengiz'den

Kabır saylavung,Nasıbıng. Kesi elibizden

Catgan cering Eling. Dariy,Küyüzden

Kölübüz basılat,barıb körgenibizden.. 7

Acalınga sebeb bolgan, Trafik kaza

Irısgı colungdan, arbang bla oza

Allahnı çamlandırmazça, tabına soza

Hayırsızga da, davlamadık  ceza..  8

Tatlı keçiniyek, etmeyin davlaş

Cürek carmayın, sındırmayın baş

Ciyirma dört cılçık. Cıgış, cagalaş

Caşlay boşaldı, Düniyang da telaş..9

Nasıb..! Kurukaldık bir kelinden.

Hayırlısı..! tözmezet, ketgeningden

Caşlay aşırıldıyeseng de, Sen

Huri sürüv ayrılmasın birgengden..10

Atıng caşayt. Karındaş üyüründen

Tansıgıngı ketere bet türsününden

Bijmasın oguna köre süyümüngden

Allah Kerim. Ekigizni süyümsüregen..11

Sen cannet de bolurça baş

Men a tabarmamı? colu  karmaş

Kımıldasa mangada bir Kaygıaş

Hurma aşarga çakır ne..! Karındaş..12

Kökge kötürüb, kol açdım calıngaç

Cannetlik tileyme.tüberge Karındaş

Sen cannettese.  biraruv karılgaş

Şafagat et. Bolayık,İynak,sarnaş..13

Suratlarınga karay, küzgüden

Ciyirma eki cıl aşırdık üsüngden

Alkın tüngülmedik Cıl közüvüngden

Sanaybız heb Kün Dönümübüzden..14

Bilib kal marca. Sen.!İgicaş

Tüyülse Kabırda Kuru bir Sıntaş

Hayır,Hasenat,Sadaka,Güddü, Kalaş

Sensiz tamagıbızdan ötmeydi, Aş..15

Aldavuk Düniya,Kazavat,Davlaş

Allıgıbız çırmalır çaklı kumaş

Canı bolganga ceterikdi telaş

Tamlaga çıgarbızmı.? sagışıb Kuraş..16

KAYGIAŞ'ga cazdım. CARAŞUV'laga

Rahmat tileyme, CAŞ CAŞAVLU'laga

Eritir üçün, cürekdegi  CAV'laga

ELHAM Okuturga deb,  CANI SAV'laga.. 17

(Bülent TEZCAN)