EKİ BİRÇA

EKİ BİRÇA

Konaqbayları toy arbazı

Munu bilet halknı azı

Cıyınlanı eki kalmazı

Biri Böçge argı Tazı..1

Böçge kimni Semenlanı

Tazı va Alaş;Gırbalanı

Toy coqlagan konaklanı

Tıngla BELPINAR comaklanı..2

Otuz cıldan da algın

Boluşub caşayet halkıng

Tarıkmay tutub bet carıgın

Çabıyet, koluna alıb çarıgın..3

Böçge harkimni suvlay

Tazı da kesin sıylay

Ekisi da toyladan cıyılmay

Aylanuvçanelle tıyılmay..4

Tazı cuka, Böçge bay

''Söz üçü'' derge munu say

Tutma akılıngı sen a say

Sora etmeyik davlaş hahay..5

Künsayın uvga barıb Tazı

Süyreb keliret bir Tülkü canazı

Çabmayedi,Havf desede bazı

Çıkmavçuyedi hazna avazı..6

Tazı Tülkü'leni etse uv

Tavuklaga coget tıyıluv

Cetib tiymese Tavuk avruv

Cogedi Tazıdan tarıguv..7

Kobuz,hars tavuşdayedi esi

Barıb kıyırga süyeliyedi kesi

Süyekleden bayram ete tünkesi

Körse öretin avuyet Tülküsü..8

Boynun buvmasa sıncır togayı

Çıgıb tebserge coget ogayı

Toy degelley ışartıb çıraynı

Adetin İgi biliyet Qaraçaynı..9

Kafkas'tan koşulub köçge

Elge ornalgant kalmay keçge

Kolun caraşdırıb işge,çögüşge

Rahmatlık Efendi işlegen böçge..10

Eki çelegi ble ullu Şorkası

Elli çelek suv cıya boçgası

Cengil tolmayedi anı avuzu

Şagat edi BELPINAR Havuzu..11

Tolturgan Caşlanı cumuşu suvnu

Erinmeyek oyunga sanab munu

Havas etib sürür üçü moturnu

Körmeyek kolda hibbil'ni Kotur'nu..12

Toy arbazda tekerine tireb taşnı

Suvu bla kuraşdırıb toy aşnı

Tavusuyelle tolu Böçge'den birkaçnı

Çıgarıb kurnasına çançılgan agaçnı..13

Suv bergen boluyese suvablı

Böçge'ni suvabın cetalmaz kuvsada atlı

Boyun cikleni etmey aman sagatlı

Algışın alganet savlay camagatnı..14

Cannetge baralgan sıyın bir sınar

Kavsar Şarabnı ol içirib sıylar

Böçge sebilni atıyese BELPINAR

Katına sızgırıb tebsey, tebsey bar..15

Minib ketgenet Emirdağ'ga Tazı

Küçük'leni bolsun dedile atası

Coget Gaggı zat urlagan hatası

Kaytmadı harib üyürü bolub artalası..16

Sıratdan öterge izleseng taxi

Hoylum Tazı ceter bolmay aksi

Toy bart deseng ocanda

Ozdurur seni iynan kuçagında..17

Caraymısa Tazı çaklı Elinge

Ogeyse caşaymısa telinge

Böçge'den suv alda bürk betinge

Kaytarır ızınga BELPINAR adetinge..18

Tukumun terenden sanay

Bay'larıbız artın aylanmay

Carlı'lada canın ayamay

Barat BELPINAR'ım karmalmay..19

Adam'dı Hoylum seni atıng

Körgüz; Barmıt buladan alamatıng

Elinge cumuş etmez amaltın

Ogese betni kolgamı aldıng..20

İşingden solurga coqmudu cazı

Keleturmaysa, Elinge bazı

Kabır'lanı geçmeymidi sanga nazı

Coklaytur marca bolsunla ırazı..21

Paranı eki beti,Tura bla Yazı

Biri suv Böçge argı Alaş Tazı

Bulaçamıdı.? Ayagıngı kalır ızı ?

Caragan Unutulmayt esgerib ayazı..22

(Bayrımkul'ladan Bülent TEZCAN)

BELPINARIM KARACAY ELIM, TUVGAN ELIM

BELPINAR'IM KARAÇAY ELİM
10 Aralık 2011 Cumartesi, 23:44 tarihinde Bülent Tezcan tarafından eklendi

Şimalinde aytuvluk Haramdubburu

Többede turub kalaça suv orunu

Elge bulaydan çaçılır içer suvu

Karab körrükse harcanın hoyumu. 1



Avuşub aşırılganlaga Kabırlarıbız

Elni kuragan rahmatlıkla, kartlarıbız

Suvçelek taşuvçu suvaplı tışıruvlarıbız

Koymaybız kaçanda alanı Duvasız. 2



Tarkaymay agadı töben Pınarlarıbız

Havuzda cüzerge ürene balalarıbız

Biybubuk,Kumru,Cıbçık cırlaydı kuşlarıbız

Koyub ketgenni mülkünde Bayguş'larıbız. 3



Küntuvgan canda Çal dupburları

Cankozla agarıb açat baharları

Papatya,Akasya,Kekik,Yavşanları

Uvga barsan tüberikdi tavşanları. 4



Tatıran,Domalan,Toklubaşları

Temir'ça katı, avurdu taşları

Müyüş'te Koltaş atadı caşları

İyilmegent ömürde başları. 5



Eşitiledi tengleni haparı külüşü

Keçe künde tabıladı adam ülüşü

Coklamagannı tınç koymayt tüşü

Konakbayıbız KılıçAliyni müyüşü. 6



Kıbıla canında dubburnu başına

Narat'la tigilgeni kettimi hoşunga

İgi karayık kıyınları ketmesin boşuna

Minarabız cetalmasın alanı başına. 7



Kırlanı ortasında cangız kesi

Sor kimle suv içgenin bilir esi

Rahmatlık Haci Kasım'dı iyesi

Tarkaymaz suvçugu bla Körçeşme'si. 8



Harkimni bardı bir terek baçgası

Kartlanı kıyını bizge savgası

Badem, Cüzüm,Zerdali,İydası

Kurutmay caşatsın terekni balası. 9



Merası ullu köbdü sabanları

Kaç'da anca kobadı harmanları

Motur,Biçer,Meşinadı sanları

Sav aşasın kıyınların canları. 10



Kış karlı, katı suvuk ayazları

Kahavada uşak ete bazıları

Kışlık çöplev egilgendi sazları

Erikgen toy ete caşı kızları. 11



İstanbul'dan köbdü bizni köpürübüz

Otga sallık otun,sıgın,kömürübüz

Başga milletleden cokdu köçgünçübüz

Ozub baradı bulay bla ömürübüz. 12



Söleşebiz hoyumda Qaraçay tilni

Caşatabız adetleni, İslam dinni

Aldakel caravlu icatnı, bilimni

Tınçaytırça caşavun bu elimi. 13



Künbatgan canında hoyumu kolu

Cansalıb turgan şahtamırça colu

Coluvçu''Bekleme''de kesek solu

Kayrı barama deseng arba tolu. 14



Boluyedi algın tolu baçgalı

Harbızı,havunu,çeteni balı

Küyüz,Çepgen üyde sogulgan halı

Cokdu tılı basgan, gırcında açgalı. 15



Aşarıkla va aytuvlukdu elimde

Toy, canazı cıyını birde Perşembe

Sen bilirse supraga kelmeseng kelme

Kayda aşarsa tabıb, Sohta,Cörme. 16



Tınç turmayek urlamay, caşla cıyın

Tükençige arpa,buday,gaggı,zayın

Çöplev cıgara alıb kabındırmayın

Kabırlabaş'ında va top.İngirsayın. 17



Bayramları kuvanç edi bütöv elge

Çabıb ceterek ol koz bergen üylege

Cıyılıb Medrese artındagı cerge

Marlab atarek beş kuruşlu çüylege. 18



Bolgandı elge caragan rahmatlıkla

Tuvgandı köbü Ayşat bla Asıyat'la

Kindigingi körseng alanı unutma

Elden ayak alıb kesingi kuturtma. 19



Sınıkga Hoşdan,Veliy,Nuruya hala

Kuran'nı ürendin Apendi Gonay bla

Dagıda bardı sanalırça adamla

Barınıda catgan cerleri nurbola. 20



Elibizge suklanıb tiyredegile sav

Onsunmagan elle bolgandıla cav

Kazavat etib kalabilgenesek sav

Oyulmasın ol cigitle etgen üy,bav. 21



Üzerlik hanslarıbızdı ceşergenle

Şehit kanından boladı deyle

Siperleden toludu kırlada cerle

Darmanımış Cetmişeki türlü dertge. 22



Dünya malga tamah etib bolma teli

Kimni bardı seniça mahtavluk eli

Darmandı taza havası hemde celi

Kiyer kebinni hurcunu cokdu belli. 23



Dubbur'nu kıbılasında ornala

Asıralganlarıbızga kabırla

Başga cerde kim izler kalırga

İyman bla nasıb bolsun barırga. 24



Sagış et hoylum ıylıgırça betingden

Bayram künlede kıynalsangda kesingden

Çıkdakel altın'esede Kafes'ingden

Elingde kuvansın; Ölgening'de senden. 25



Unutmayık ayrılmayık adetleden

Adamlık namıs keng bolmasın betleden

Bilgenge ülüştü BELPINAR cannet'den

Savga'ga sanagız Bayrımkul'lanı BÜLENT'den.. 26

(Bülent TEZCAN)