CANGI CIL

CANGI CIL

İgilik küseb katıştıra, karmay

Culkub saldık takvimni savlay

Qart'lıknı koyub colda cayavlay

Aşıgıb ketdi.Qolunda sallay.



Tazası keldi cım,cım cıltıray

Cengil cetet, Cangı çıray

Olda bitet tursang çırmay

Ongsunmayın közüng cılay.



Cılsayın Umutla baylay

Savluk bla Baylık davlay

Çabıb çançılsak da ayhay

Çınkıl bolat çaykay,çaykay.



Barat kelgen caşavdan urlay

Kazavat,davlaş tınç da turmay

Aç Börüle Ongsuz busgaklay

Har künü birça; Kan kurumay..



Endi aquçgun kelinlik saylay

Biylege, Biyçeleni baylay

Süygenle camalsın da kalmay

Toyga çabsın.halkıbız savlay..



Savluk camavluk bolmay

Cartı colda uvahdı tolmay

Aman avruv buçgagdan tutmay

Ozsun cılıbız toprak cutmay..



Bereket keltirirge unutmay

Piyango'dan eterigese bekbay

Ayagına Guluy keserem karamay

Bernesi macal bolsun.Barıbızga savlay..

(Bayrımkulladan Bülent TEZCAN)

QARA QIYILLIK

QARA QIYILLIK

Keslerin tıymayın artga

Erkişile ketib kazavatga

Canların ayamay bara otga

Stalin tartgandı çortga..

Saklamay tang'nı atarga

Üyünde koymay halknı catarga

Erkinlikde bermey callarga

Cazıklanı tıygandıla targa..

Tübemezça marhamatga

Açımay Katın,Kız,Sabiy,Kartga

Qöçgünçülüknü salıb şartga

Aşırgandıla kıyın tabigatga.

Ot tıgıb mülklerin cagarga

Tolturub mallaça barın Qatarga

Eltelle uzakga Çölge atarga

Acalda tebreyt kıyırdan bıtarga.

Kıstalıb OrtaAziya,Sibirya'ga

Tansıklab tarala Kafkasya'ga

Boluşuruk da cok bu uyatga

Ontört cıl tözgendile aziyatga..

Elli cetinçi cılda ızına kaytırga

El'ine bilalmay kalıb ne aytırga

Artıklıknı Allah dan kaytarırga

Kurutganla Dinin de taşaytırga..

Unamayık cılközüvün cabarga

Unutmayık Duva bla çabarga

Stalin'ni cahanim otda cagarga

Cıyıllıkbız Barıbız Ejüvün tartarga..

(Bayrımkul'ladan Bülent TEZCAN)

KARINDAŞIMA

KARINDAŞIMA

''TEZ'' CAN'lı Konak. Tübtüzünden

Carık Culduz'et, taydı üyübüzden

Cılamuk Çerek caşnattık.  Küy'übüzden

Kol cuvduk..! Emm.. Süyümlübüzden.. 1

Aşıgıb ketting. Cercüzünden

Caratgan çakırdı, saylab tüzünden

Karatoprak cabsa da  üsüngden

Unutulmaysa..! Nek.? Tüzlügüngden..2

Kıyalmay turgan közübüzden

Süygenek.Hak kerti kölübüzden.

İçibiz Çançdı.Açı cügübüzden

Üzülüb ketting.Taa..! Ciligibizden..3

Assı bolub tüşmey, Allah'nı közünden

Küydük amma, acaşmay tözümden

Sanaldıng..! Sen.  Harkimni özünden

Sav Düniya tilleni karmab sözlerinden

Tabalmayma..!İynan sıylısın sözümden..4

Suvab Bazmanına, tolmayın günah

Caş ölüm sınagan beg açı,palah

Endi okulmasın; Kısgarak selah

Kişige sınatmasın, SıylıAllah..5

Sıylı atıng baret ''BEYTULLAH''

Bet nürünge aytuvçanek Maaşallah

Cannetge salır Atıng üçün UlluAllah

Şafagat eterse bizgede İnşaallah.. 6

Köbü canazı tabılmayt.Tavdan,Tengiz'den

Kabır saylavung,Nasıbıng. Kesi elibizden

Catgan cering Eling. Dariy,Küyüzden

Kölübüz basılat,barıb körgenibizden.. 7

Acalınga sebeb bolgan, Trafik kaza

Irısgı colungdan, arbang bla oza

Allahnı çamlandırmazça, tabına soza

Hayırsızga da, davlamadık  ceza..  8

Tatlı keçiniyek, etmeyin davlaş

Cürek carmayın, sındırmayın baş

Ciyirma dört cılçık. Cıgış, cagalaş

Caşlay boşaldı, Düniyang da telaş..9

Nasıb..! Kurukaldık bir kelinden.

Hayırlısı..! tözmezet, ketgeningden

Caşlay aşırıldıyeseng de, Sen

Huri sürüv ayrılmasın birgengden..10

Atıng caşayt. Karındaş üyüründen

Tansıgıngı ketere bet türsününden

Bijmasın oguna köre süyümüngden

Allah Kerim. Ekigizni süyümsüregen..11

Sen cannet de bolurça baş

Men a tabarmamı? colu  karmaş

Kımıldasa mangada bir Kaygıaş

Hurma aşarga çakır ne..! Karındaş..12

Kökge kötürüb, kol açdım calıngaç

Cannetlik tileyme.tüberge Karındaş

Sen cannettese.  biraruv karılgaş

Şafagat et. Bolayık,İynak,sarnaş..13

Suratlarınga karay, küzgüden

Ciyirma eki cıl aşırdık üsüngden

Alkın tüngülmedik Cıl közüvüngden

Sanaybız heb Kün Dönümübüzden..14

Bilib kal marca. Sen.!İgicaş

Tüyülse Kabırda Kuru bir Sıntaş

Hayır,Hasenat,Sadaka,Güddü, Kalaş

Sensiz tamagıbızdan ötmeydi, Aş..15

Aldavuk Düniya,Kazavat,Davlaş

Allıgıbız çırmalır çaklı kumaş

Canı bolganga ceterikdi telaş

Tamlaga çıgarbızmı.? sagışıb Kuraş..16

KAYGIAŞ'ga cazdım. CARAŞUV'laga

Rahmat tileyme, CAŞ CAŞAVLU'laga

Eritir üçün, cürekdegi  CAV'laga

ELHAM Okuturga deb,  CANI SAV'laga.. 17

(Bülent TEZCAN)

SÜYGEN'NEN KURUMAYT

Bülent Tezcan

SÜYGEN'NEN KURUMAYT

Esim ketgendi gina algınga

Şoş kölüm uşagant salkınga

Talebe cıllarım kelib köz allına

Cazayım dedim,unutulub kallıgına..1



Çifteler'elde okurga bara mektabga

Közüvü kelib Türk tilden Edebiyatga

Talebe cumuşu bergenelle bu Hatakabga

Qaraçay cırla cıyıb kellikse deb kitabga..2



Tiyrede caşagan bütöv halklaga

Meniça keleçiyet, tenglerim de karmarga

Madarım da coget unamayın çarlarga

Qaraçay cumuşumu alıb çıkdım tabarga..3



İnternet degen mi baret, madarga

Neva kitablamı cıyılıb turuyet bazarga

Toy Ejüvleni kuraştırganem cazarga

Kıyınımda cetmegenet, burhunu ozarga..4



Madar artı bolub tiledim kartlaga

Caşay turgan tıbırda kalgan, Artlaga

Sagış etib kördüle de esgi Nart'laga

Eki tişiuruv aldı cumuşumu paklarga..5



Kuvanıb cetdim alanı va kuçaklarga

Alaga nasıb bolsun.nur içinde cuklarga

Cevriya Kartanam bla tözmey saklarga

Karaçıknı Padiması Halama bardık coklarga..6



Men kagıtnı kalamnı çıgarıb kurarga

Urçukların da alıb butlarında bururga

Cırladıla. O kün Ant ettim içimde turdururga

TİLİN SÜYGENNİ UNAMAYT BİLGENİ KURURGA..7



Cır cırlay,anı caza cetgenedim toydan arırga

Künüm kelib kaldı, mektabıma ızına barırga

Halallık tileyme Rahmatlıkla Caradıla carıtırga

Aşırdıla,koşub,boluşub cırların Elge tanıtırga..8



Mektabda kararga, çabdıla canıma toluşurga

Birin tabmadık dedile. Cır bilib boluşurga

Köz cettirdimde meniça keleçi Honşulaga

Şükür ettim. Uşatmagandı deb,Otkoşun'laga..9



Cazıyesem budu sıltavum, Borçuma sanarga

Akılımda cokdu. Kişini da cugun tonarga

Nazmularım cararmı kaydam biri ongarga

Şo..MEN.Tilimi satarmamı? Para tomarga.. 10

(Bülent TEZCAN)

KILIÇALİY'ni MÜYÜŞÜ

KILIÇALİY'ni MÜYÜŞÜ

Belpınar'nı aytuvluk meşhur müyüşü

Keçe künde tabıladı adam ülüşü

Eşitilib tengleni haparı külüşü

Bolmayt alayda nögerleni davu tüyüşü.

Harkimni ceterge aşıgıb terk cürüyüşü

Künübüznü bir kesegide anı ülüşü

''Çöplev aşab birbiri betine tükürüşü''

Belpınar'lıga sanatganı, bediş ülüşü.

Nakırdası bolganlanı birbirin körüşü

Suvga bargan kızlanı, caşlanı süyüşü

Birkün coklamagannı tınç koymay tüşü

Barıbıznı konakbayı KILIÇALİY'ni MÜYÜŞÜ..

(Bülent TEZCAN)  December 14, 2011 at 3:16pm

KESI KESIME

KESİ KESİME

İgi caşma deb turuyem da kesime

İgi aşgı uruşdum, cangılgan esime

İgiça burulganma köriyem tersime

İyha Şaytanmı uşatdı ogeyse kesine..

Kayda, şedde,cezim,üstün,esire

Sen a çalışmaysa sora din dersinge

Burulmay madar barmıt tersinge

Kısılmazmı seniçanı serin kölekgesine..

Tartarım keledi ya Şaytannı celkesine

Konakbayga caraşmaz deyme ansı kesime

Ol da törge töşek caydırgant kesine

Cumuşuna cegedi çabdırıb birgesine..

Colda tabıp tübese uva meniçesine

Gıbı kibik cabışıb kaladı terisine

Ant etsem sanamagız elni telisine

Bismillah'nı mindirrikme; Atını terkisine..

(Bülent TEZCAN)

BEZGEN'LEGE

BEZGEN'LEGE

Can avrutub sıylarga

Tıyganesem ayt targa

Tartışıyeseng kusarga

Tebre ayamay kızarga..



Cetgenesem ozarga

Uruş da,koyma cazarga

Nazmu belamı kısdarga

İgi aşgı bir qarga..



Atarıgem eltib carga

Açıyma ansı carlıga

Cetgeneseng sarnab cılarga

Borçluma sora, başıngı sılarga..



Tutgant boynumu buvarga

İymeyt kolumu cuvarga

Allına taş salsamda tıyarga

Cetgent betimi coyarga..



Harkimge bereme calga

Nazmularımı cıyıb kancalga

Barsak nazmum bla birkün acalga

Tuvduk'ladan sanagan çıgarmı? macalga..



Endi unamay köreyim cazarga

Onovum bart.Kulagımı sozarga

Cıyıb tursam harkimni targa

Ayamazla ''Ertde Nazmuçu'' atarga..



Qaraçay tilimi alıb kolga

Kalamım bla çıkganek colga

Cumuşumdan callamadım solurga

Kagıtla unamadı Anatilimden tolurga..



Hunası bolgandıya Tabga

Kol salganem ol sıylı Kitabga

Barmaganesem da bir mektabga

Dıgalasım et sanalsın deb,Bek tabga..

(Bayrımkul'lanı Bülent TEZCAN)

GURUŞGA

GURUŞGA

Akız turma tentireb

Bir tur kesingi tireb

Cılamuk cavdurasa çileb

Tınçtur deyme da tileb..

Tebregense issileb

Söleştirmeyse Çibinleb

Cuvab bergening çimdeb

Şay da içirmeyse demleb..

Cıygansa cobbu bükleb

Kiydirmeyse Ütüleb

Cumuşumu kesime küreb

Neteme, seni sırtıma cükleb..

Ayagımı cuvmaysa tazga süyreb

Sögülgenime Tüyrgeviç tüyreb

Üç kız tabalmadıng bir türeb

Barama..Menharib nenida küseb..

(Bülent TEZCAN)

AŞURE

AŞURE

Nuh Paygambarga sıy bere

Muharrem Ay'da cürügen töre

Allın saklay honşu tiyre

Tatuvlu aşarıkdı AŞURE.

Ceti Hantnı cıyıb bir cerge

Barın otda bişirib birge

Akılınga keltirme ciyirgenirge

Unutma..Kertde bizgede berirge..

Oraza tutsang,deyle O künlege

Kabul bolsun. Kelgenese kölünge

Kuvanç ete bu sıylı künlege

Bişirda çaç Aşure Küsegenlege..

Türk'de caşaganlanı barı birge

Kabıb körsünle seyirsinirge

Ot cıluv birçadı ya kazanga kirgenlege

Ülüş iyeyikmi.? Çiy kalgan Kürt Cingenlege..

(Bayrımkul'ladan Bülent TEZCAN)

BAYLIK

Bay bolur amaltın

Keçe de işleyt karaltıng

Tabıyeseng da çiy altın

Körgüzmeyin taşayttıng..

Közlering karay Gıltın

Baylıq bolgandı Muratıng

İşge cegilib adam atıng

Türlengent bet sıpatıng..

Caşavung ese alamatıng

Ayt eki kuyrukmu uzataldıng

Barmıdı desem Keramatıng

Esleb basasa beg akırtın..

Bay bolsa va  seni atıng

Baçgış bla cetalmazet Halkıng

Caşavung bolub caşırtın

Ayagıng attlaret ogartın..

Bilamuq aşay  turmadıng

Ag Ayranga da tursunmadıng

Türk tilden seniçü birsöz urladım

''Pirinç'ge cutlanıb Bulgur'ga suklandıng''..

(Bayrımkul'ladan Bülent TEZCAN)