ATA'laga
Bayramıbız keldi eteyik şamATA
Cazayım atalanı Qaraçay'ça anglATA
Üydegilege başçı bolsada tahmATA
Savgada bermezle közün karATA.
Süygenin toyda körüb carATA
Nakırda eter üçü barır canATA
Birkün kaçırıb kelir, atın oynATA
Toyu casalır. Göroh,GırnATA.
Biyçe üyünü baganasına uşATA
Sabiy tuvgallay bolur bir ATA
Cuka Cüregli turmaz cılATA
Beşikde tebretir.Sabiy cuklATA.
İşine barırüçü çıgar TangATA
Irısgıla cıyıb kaytır künbATA
Keltirgenin biyçesi otda kaynATA
Üyürün sıylar halalın aşATA.
Sabiyleri bolmasın deb kerATA
Cahil kalmazça mektab boşATA
Balasın okuturga çekatın sATA
Paşa,Biy bolsala va çalımın sATA.
Kelin küyövge cuksa kayınATA
Torun degelley düniyasın sATA
Kartaysa turmaz sabiyine karATA
Kolga kalama deb cüreg kaltırATA.
Caşaganlarını haparın anglATA
Comakça kelsede aytıb tınglATA
Asker hapar bla azçık bukulATA
Sözge çabmay tur. Avzungu kapATA.
Alanla nek hını körünedi ATA
Ana sabiyin korkuturça anglATA
Sabiy cüregine korkuv çaçırATA
Akşeme Babey gelende kıcırATA.:))
Kart bolganese kolun kaltırATA
Coklay turuguz, közün cıltırATA
Büsüröv eter algışla kımıldATA
Cannetge iyer duvala şıbırdATA
Allah avruvda bermesin sınATA
Ertde oguna turmay asırATA
Canı savlanı uzuuun caşATA
Ölgenleni de Huri'lege sıylATA.
(Bülent TEZCAN) Saturday, June 18, 2011 at 5:04am
No comments:
Post a Comment