Körmegenem allay çıraylı aruv kıznı
Esledim haman cüregimdegi cıznı
Tıyalmadım uruşub men degen hayırsıznı
Küseb tura köreyem bullay subay bir kıznı
Cannetgede almazla kurukesin damsıznı
Tanıtayım sizgede ol alamat Cankız'nı
Eşitgende bolmazsız anı bla haparıbıznı
Unarmısa deb sordum akız nakırdabıznı
Ummayem çarlamay unarın sabırsıznı
Küyüb tebredim alan ertde keltirib caznı
Endi birgeley sogabız kobuz bla saznı
Işargallay turadı caratıb mendegi tarznı
Canında aylandırat kumgan bla ol taznı
Ozdurmaydı kılmayın barısında namaznı
Bilemisiz uzaymay sizni kıynarıbıznı
Bolsun allay kelini caşı bolgan arbaznı
İyeyik de tilesin kurab tamadabıznı
Omak etib cegeyik kelinge arbabıznı
Çakırama cıyılıb barırga barıgıznı
Toy etib tebsersiz ziyabiyni cangıznı
Toy tobukdan bara tebsey apsuvagıznı
Şagatlada kerekdi kıyarga nekahıbıznı..
(Bülent TEZCAN)
No comments:
Post a Comment