CENGILCAN

CENGİLCAN

Kesibizni salayık sıylı törge

Suvda cavnu çıkganıça örge

Salam iyeme tansıklab körürge

Acaşıb uzakga kenge tüşgenge..1

Bulaşmay kaygıga neva sözge

Hıyla koşmay sanalabız tüzge

Tutayık TEZCAN'lanı küzgüge

Kelmezça kargışga kemli közge..2

Sıyberebiz küyövge,kelinlege

Üretsinle bulanı sabiylege

Sakbolsun sabiyle berilgenlege

Tüşürmey başıbıznı tutarbız örge..3

Kaçmabız cumuşdan kaçanda kenge

Süydürgenbiz ullu,giççege,tenge

Tüşmegenbiz hiç ömürdede tübge

Uşamazlık cukmasın bizge cükge..4

Tansık bolganesen CENGİLCAN betge

Çıkdakel ertden ble neda ingirge

Cogesem eyer hapar ber çilingirge

Bosagada saklamay üyge kirirge..5

Randevuda kerek tüyüldü berirge

TEZCAN'laga konak bolsa kelirge

Kuvanıb saklarbız çıgıb eşikge

Erkeletirbiz kolun tiydirmey işge..6

TEZCAN'la kerekbiz şükür eterge

Şükran minnet rahmat cavdur dedege

Uşamsız soyatga kabıngan cigitge

Borçlubuz Kurannı hatim eterge..7

Ayamay kurman izleyik keserge

Uvak ayaklıla bolmaz tecerge

Karamay oz Tavukga,Cücekge

Tüye saylayık ol CENGİLCÜREK'ge..8

Kurmannı boynun bursak Kabe'ge

Cengil ceterçabız cardım eterge

Tüyeni etinden ülüş çaçıb tiyrege

Toyda casarbız hazım eterge..9

''PAPUL İYNAT'' tapuludu üsübüzge

Anıda şoyh sanaybız kesibizge

Tamga etgenbiz süyüb betibizge

Çıganak kaçanda Nögerdi Gül'ge..10

Ertte oguna catganda nebizge

Cuku kelib kirmezki közübüzge

Catsakda kobalmabız hem ingirge

Cukunu bölgen a tübeydi singirge..11

Uyatama deb küreşme biribizge

Ongsunmaybız tiyilseva tüşübüzge

Cukudan kobgan karasın küzgüge

Ertdemle ışarmagan türsünübüzge..12

Toy barese karamabız işibizge

Omak kiyimle saylab üsübüzge

Cumuşda canıbıznı tagıb tişibizge

Caramay kaytmabız üyübüzge..13

Açı sirkeni zaranı boladı küpge

Tınçaymay uşaganbız birer çöbge

TEZCAN'la beralmaybız çırtda etge

Sanayık munuda titizligibizge..14

Celbaşlıgıbız uşaydı şaytan celge

Türsünübüznü körgen tursun kenge

Sabır degenni unutgandı berirge

Anı bla caşamaganbız ömürde birge.15

Birile barese davubuz körürge

Birge barırbız kimeseda ol börüge

Korkgan caraşmaz bizde caş tölüge

Cigitlikden ullu nasıb kayda ölürge..16

Başgala bizni sanasada telige

Huyubuzdu cürüybüz kalmay birge

Telibiz carab tursada bütöv elge

Amanga igilik etsen sav eltmez üyge..17

Uyalçakbız fantazini kiyerge

Modaga sanab nenida keblerge

Caraşuvsuz zatnı üsge cüklerge

Ol kiyim süyümnü keltirmez bizge..18

Cut tüyülbüz kul hakınnan sermerge

Hakı cokdu kimnida kölü külürge

Osuyat caza kel; sözüm külgenge

Cengilcanla cıyıb iyerle kebinge..19

Kartlanı caşavları barmayt cüzge

Negeseda çomart tüyüldü bizge

Köb caşavda berilmeydi ya igige

Caratgan süyüb, canında körürge..20

Ömürleri cete ketse seksenge

Iylıgıb sanalmaz üçü kötüremge

Tansıklab hapar iyelle acelge

Şo CENGİLCAN'ıbız TEZ'di keterge..21

Sanavubuz cete ketsin minglege

Köb bolsun tuvganla tebretirge

Kuvanç nasıb tolsun sülalebizge

İnşallah degiz TEZCAN'la bitmezge..22

Kobuzga, harsga hartürden tebserge

Buşuvga kuvançga cengil ceterge

Çomartbız cokga hadiya eterge

Çabılmaz bizde ongsuznu teblerge..23

Atılmaydı ongsuzubuz eşikge

Tınglaybız alanıda eşitirge

Esgerebiz kereklisin bilirge

Coklagallay turabız tiriltirge..24

Koşulganbız kalmay medeniyetge

Kel körüşe turayık internetge

Köresiz sıltavda cokdu eterge

Teknoloji degende bollukdu ceterge..25

Mejgitni eşiginden atlab kirirge

Ahırat üçün kereklibizni bilirge

Oraza hac kurman zekat berirge

Hamdolsun keng tüyülbüz islamiyetge..26

İslamiyetge adaletge adetge

Halalın kazanganıbız niymetge

Amanatga sak tüşmey hıyanetge

Allahçü kara bizdegi asaletge..27

Cengil kımıldamagan biznile birge

Bekaman cengil iyer kabirge

İnşallah AMİN degiz tübemezge

Sabır kaydaaa caşav boyu tözerge..28

Tübemezse boçgası bek şişgenge

Kısdırıb bay bolurga küreşgenge

Honşudan tileb canınnan bezdirgenge

Şükürle bolsun tok közleribizge..29

Çamım başga milletden üylülege

Sırga bolsun endi üylenniklege

''Dariynide caraştırmagant türklüge''

Nurcavsun Rahmatlık İDRİS emmige..30

Uşagan tabılmazya kesibizge

Ne aytıb tıysak bu gençleribizge

Kelinle bir üretsele gençlege

Algış bla iyerek alanı cannetge..31

Kelinni macalın aytayımmı sizge

Kelindi anagız bil esgerirge

Tübemezse bir osalga kirlige

Kelininde ayasın söleşirge..32

Esburçun bu aşgı alamat sözge

''Üydegi aman barganese elge

Eldegi amanda koşulub kelir üyge''

Caşınga uruşub tebre söz eterge..33

TEZCAN kızlarıbız barsala erge

Cansalırla koşulganları üyge

Küyöv kerekdi kıymat bilirge

Egeçlerim arka bolayım sizge

Tınç turmasa mermi cavar küyövge..:))34

Nakırda deb aytama küyövlege

Çabmam korkutub ururga tüyerge

Urunganla bolur belki eşitirge

Aruvcanla ketalmaz sora erge..35

ARUVCANLA saylarken tintilgenge

Bizden saylab üyübüzge kirgenge

Caşarık alayese süyüb ekisi birge

Kuvanırma sanalsam kız nögerge..36

TEZCAN bla caşarga izleyesen birge

Nüfus memurnu tutub cibitgenge

Börüle içinden saylab itin gebertgenge

Uşarga va kereklise tint bilirge ..37

Harkim aytsın bilgenin bilmegenge

Esgerte tursun cangılış etgenge

TEZCAN'lanı sıyların tüşürgenge

Ollahiy açımam defterden silirge..38

Dünyadan köçüb ketgenleribizge

Rahmat tileyik ölgenleribizge

Bir FATİHA okub iygenibizge

Kuvanırla coklay bilgenibizge..39

Etigiz algışla TEZCAN Bülent'ge

Endi nasıb bolsa cazıb çizerge

Küreşirme TEZCAN deb cır eterge

Berirme anıda cırlay bilgenge..40

Nohta tagayım endi mende sözge

Koşama munuda kırkbir bolsun derge

TEZCAN' la kelmesinle deb közge

Ayamagız Kırkbir MAAŞALLAH derge..41

(Bülent TEZCAN)

Friday, May 27, 2011 at 6:59pm