Kabul bolsun Anala bayramıgız
Teşilmesin caşavdan baylamıgız
Kalmasın Balagızda bayramsız
Tileyme, kıynamasın sanlarıgız.
Qaraçay'lı etmez anasın sansız
Tavlu ana tabmaz allay iymansız
Sabiyin beşikde koymaz Sıbba'sız
Ansızma Düniyada anıça tabsagız.
Alan..! Esleymise kalay baybız
Nasıblıbız barısın özça sanaybız
Tabgan,Süt,Kayın,Boluş anabız
Comak aytgan eki kart ammabız.
Bukün erkeletib söz ble sıylaybız
Köl almay köbüne sizni kıynaybız
Sabiylerigiz algışlaydı kaynaysız
Savga etmese kesekcik çaynaysız.
Razı bolub aytırık mahdavuguz
Suvab cazdırır bizge sanavsuz
Bolmabız duvagız bla karuvsuz
İgi caşarbız savluklu, avruvsuz.
Tabıb kıynalırdan kalmagansız
Emçek salıb süt ble sıylagansız
Sıyıgız artık bolsun.Halalga sanagız
Evlat açısın birigizde sınamagız.
Rahmatlık bolganese eyer anagız
Kanamasın bukün cürek caragız
Kuvandırsın okugan Duvalarıgız
Ayak tübünde Cannet, siz kıynalmagız...
(Bülent TEZCAN)
No comments:
Post a Comment