NARTSÖZ KOŞAKLI NAZMU

NARTSÖZ KOŞAKLI NAZMU

Alamatdı Nart'nı sözü

Karamazmı kemni közü

''KÖZÜN TAVUK TIRNASIN''

Deb aytılır koruvlar sözü. (1)

Sakbol avuzungda tilge

Ayalmazsa tintilirge

''DOMBAY KÖLGE ETGENÇE''

Deb tüşerse bak tilge. (2)

Közün açıb citi karasın

Tögerekni igiça marasın

''KİŞDİK'ÇA KÖRSE CARASIN''

Çögüb,sarnab cılamasın. (3)

Sanasam seni tengişge

Şo men tüşsem engişge

''BUZOVLAGA TANA KOŞULGANÇA''

Deb aytırla bedişge. (4)

Kirsem bir tar kölekge

Uşab bazık Töngek'ge

''TEREKGE TERİ TAKGANÇA''

Deb salırla ölçekge. (5)

Baylıgı cukarıb beg arıq

Tapsa ayamay çaçarıq

''CARLI KÖLÜ BOLADI CARIK''

Camagat dı anı mahdarıq. (6)

Tatlı sözge cengil çabar

Cumuşlanı cetib tabar

''CARLINI EŞİGİN MAHDAV CABAR''

Kuralda kaygı sözüne bar. (7)

Ozub çöksem men törge

Kobmay kelgenge örge

''ÜYNÜ TELİSİ BAŞ TÖRGE''

Unamazla konaqça körürge.(8)

Toqma deb kelmey turur

Neva iştahı tohdab kurur

''AŞAMAZDAN TANA BAŞI TAVUSUR''

Supradagın  sıypab suvurur. (9)

Aşavdan bezmey karılır

Ketarı katınamı barılır

''İGİAŞ KALIRINA AMAN KARIN CARILIR''

Atına va cut deb salınır. (10)

Nartsöz darmança, Caragan Hab

Catıb tursa boladı; Abadan Qab

''KÖB TURDA, BEK ÇAB''

Taşmaka ozarga budu tab. (11)

Caratmay aytırga küreşgenin

Unamayın, İgilikle üleşirigin

''KOYÇU CAVUMA DA SEN SÖLEŞGİN''

Degen sözge, cavum tübeşgin. (12)

İgi corala etib köbürekge

Tursunmaysa da kökürekge

''ET TANSIKGA TATLIDI ÖBGE''

Öbgeleme alan tüşsen tübge. (13)

Tahmada ga ullu iş tüşer

Giçce de erişmese şişer

''ÇIÇGANNI BALASI KABCIK TEŞER''

Hatakab'ga aytırsa  bolsa Şer. (14)

Sesgekli basıb ete şükür

Tiyreni,Colnu başsız körür

''İTİ COK CERDE ,TÜLKÜ ÜRÜR''

Tülkü ogay İt ürsede,Tüyele cürür. (15)

Üsüne kalanıb tursa Alimlik

Tapusun koruvlay zalimlik

''HAN'GA DA KELİR BİR KÜN HARİBLİK''

Caşavda közüvdü gariblik. (16)

Ocagı cuklansa cok comurçga

Kıynalıb caşayt. Art borçga

''AÇGA TABSA,TABMAYT  BOÇGA''

Olda bitet barmay kaçga. (17)

Karama alay manga kengden

Sanamam seni kızıb tengden

''KOL SINSA AYRILMAZ CENG'DEN''

Koramay kel alan birgemden. (18)

Cogese cuk alırga madarı

Esi bölüne carsıy cukuları

''AÇ TAVUKNU TÜŞÜ TARI''

Gaggı da kayda heb eki sarı. (19)

Nakırda biliyeseng igi caş

''TENG BOLALSAN CUVUKLAŞ,

TENG BOLALMASAN KENGE ACAŞ''

Sora etmeyik davlaş. (20)

Başsız toyda aş kuyar

Tabılmaz bir supraga tıyar

''TOYGA BARSAN TOYUB BAR''

Tepsegen borbay kıyar. (21)

Saylarga uçgara ese karuv

Adamnı sınarga busöz aruv

''KOLU ULLU ASUV, AYAGI ULLU CARSUV''

Keter sennen karın avruv. (22)

(Bülent TEZCAN)